Cargando Eventos

« Todos los Eventos

GATAZKAK. Borroka moldeak eta kultura politikoa herri mugimenduetan

junio 26 -19:00 - 21:00

Borroka moldeen inguruko eztabaidak ekintza eta estrategia anitzen abiapuntua izan ohi dira herri mugimenduetan. Joxemi Zumalaben gira eta buelta aritu gara egitasmo ugariren bidez (mintegiak, tailerrak, mahai-inguruak, barne gogoetak…) gai horien inguruan: aliantzak, gatazkak, biolentzia eta desobedientzia… hauek denak borroka moldeen eremuan kokatuz. Horren inguruan gogoetatzeko bi proposamen dakarzkigu eskuartean:

Aurkeztu nahi dugun liburuxka berri honetan, gatazka sozialen inguruko hausnarketan sakontzeko aukera luzatu nahi dizuegu.

Izan ere, gatazkez ari garenean, ikuspegien talkez, botere harremanez, aldaketa sozialak sortzeko aukerez eta baita herritarren zein erakundeen sakoneko egoera aztertzeko bideez ere dihardugu. Gatazkak ezin dira desagertu, ezkutuan edo agerian beti izango baitigu alboan. Eta hauek aztertzeko tresnei zein etorkizunera begirako erronkei heldu nahiko genieke. Aktibismorako estrategiak pentsatzen, proposatzen eta adosten ari garenean horien iraunkortasuna, eraginkortasuna eta aldaketarako gaitasuna aztertzea interesgarria izan daitekeelakoan gaude.

Liburuxka hau tresna moduan zabaltzea gustatuko litzaiguke. Alde batetik, gaur egun Euskal Herrian gatazkak non eta nola gauzatzen ari diren aztertzeko. Eta bestetik, eskala txikiagoan, gatazken aurrean gure mugimenduaren estrategian pausatzeko galderak egiteko.

Giro sozio-politikoa nolakoa da gatazkei dagokionean? Tentsio politiko soziala jaitsi egin al da? Bake prozesuak nola eragin du herri mugimenduen ekintza eta estrategietan? Ezkerreko erakundeen instituzionalizazioak? Konfrontazioa estrategia moduan saihesten al dugu? Iraganeko borroka-logikek zein pisu dute gure egungo estrategietan? Gatazka berriak piztu al dira?Zeintzuk dira bizitzen ari garen gatazken sakoneko arrazoiak? Zein(tzuk) d(ir)a gure estrategiaren helburua(k)? Zer nolako aukerak eta baliabideak ditugu aurrera egiteko? Eta nolako testuingurua dugu? Nortzuk bildu gara gatazka hori ikustarazi nahian? Nolako eraginak izan ditzake, zertan eragiten du? Arau soziala edo legeak eraldatzeko gaitasuna al dugu? Eta berriak sortzekoa? Eragin zuzenak al ditu pertsona batzuen egunerokotasunean? Zein bide erabiliko dugu etorkizunean izan ditzakeen ondorioak kolektiboki kudeatzeko?”

Liburuxka bera eskuratzeko eta solasaldi goxoan gaian sakontzeko aukera izango duzue, ekainaren 26an, 19:00etan. Donostiako Kaxilda liburu dendan.

Bestalde, gure webgunean ere deskargatu ahal izango duzue.

Detalles

Fecha:
junio 26
Hora:
19:00 - 21:00
Categoría del Evento:

Deja una respuesta

  • Este sitio usa Akismet para reducir el spam. Aprende cómo se procesan los datos de tus comentarios.